XII AÇYK HALKARA MATEMATIKA OLIMPIADASYNDA (NCUMC-2026) TALYPLARYMYZYŇ ÜSTÜNLIKLERI
29 Berkarar döwletimiziň täze eýýamynyň Galkynyşy döwründe Türkmen halkynyň Milli Lideri Gahryman Arkadagymyzyň ýurdumyzyň bilim ulgamynda başyny başlan beýik özgertmeleriniň dowam etdirýän Arkadagly Gahryman Serdarymyzyň taýsyz tagallalarynyň netijesinde ýurdumyzyň talyp ýaşlary dünýä derejesinde geçirilýän halkara olimpiadalara gatnaşyp uly üstünlikler gazanýarlar.Aprel aýynyň 26-28-i aralygynda Russiýa federasiýasynyň Sank-Peterburg şäherindäki Maglumat tehnologiýalary, mehanika we optika Milli barlag uniwersitetinde geçirilen Demirgazyk ýurtlaryň uniwersitetleriniň 12-nji matematika bäsleşiginde (NCUMC-2026) türkmen talyplary ýeňişli orunlara mynasyp boldular. Bu halkara bäsleşige Halkara ynsanperwer ylymlary we ösüş uniwersitetiniň, S.A.Nyýazow adyndaky Türkmen oba hojalyk uniwersitetiniň, Ýagşygeldi Kakaýew adyndaky Halkara nebit we gaz uniwersitetiniň, Türkmenistanyň Oguz han adyndaky Inžener-tehnologiýalar uniwersitetiniň, Türkmen döwlet ykdysadyýet we dolandyryş institutynyň, Türkmenistanyň Inžener-tehniki we ulag kommunikasiýalary institutynyň we Türkmenistanyň Döwlet energetika institutynyň talyplary gatnaşdy. “Bilegi zor birini ýykar, bilimi zor müňüni” diýilşi ýaly, türkmen talyplary özleriniň ýiti zehinleri arkaly bäsleşige gatnaşyjylaryň içinde saýlanyp baýrakly orunlary almagy başardylar. Bu bäsleşikde Türkmenistanyň Inžener-tehniki we ulag kommunikasiýalary institutynyň 4-nji ýyl talyby Baýramow Şöhrat baýrakly 3-nji orna mynasyp bolup, institutymyzyň, galyberse-de ata-Watanymyzyň adyny dünýä tanatmakda öz mynasyp goşandyny goşdy. Arkadagly Gahryman Serdarymyzyň: “Türkmenistan ýaş nesillere aýratyn üns berilýän ýurtdyr. Häzirki döwürde ýurdumyzyň ilatynyň esasy bölegi Garaşsyzlyk ýyllarynda kemala gelen ýaş nesillerdir. Bu nesil eziz Watanymyzyň geljegini gurujylardyr” diýip bellemegide ýurdumyzyň geljekki ösüşleriniň ýaşlardygyny aýdyň görkezýär.
