ÝURDUMYZYŇ YKDYSADY ÖSÜŞLERI HALKARA SERGIDE
4132 Berkarar döwletiň täze eýýamynyň Galkynyşy döwründe Arkadagly Gahryman Prezidentimiziň baştutanlygynda Mukaddes Garaşsyzlygymyzyň şanly 35 ýyllyk baýramy ýokary derejede bellenip geçilýär. Bu baýramçylyk mynasybetli Türkmenistanyň Söwda senagaty edarasynda Garaşsyzlyk ýyllary içinde ýurdumyzyň ykdysady ösüşlerini beýan edýän halkara sergi we maslahaty geçirildi. Sergide Arkadagly Gahryman Serdarymyzyň baştutanlygynda ýurdumyzyň söwda-ykdysady, ýangyç-energetika, ulag-kommunikasiýa ulgamlary, senagat, oba hojalyk pudaklary we beýleki ugurlaryň ösüşlere we ýeten sepgitleri aýdyň beýan edildi.Halkara sergä we onuň çäklerindäki maslahata Türkmenistanyň Inžener-tehniki we ulag kommunikasiýalary institutynyň professor-mugallymlary hem-de talyplary işjeň gatnaşdylar. Sergide ýurdumyzyň durnukly ösüşiniň möhüm şerti hökmünde ykdysady ulgamyň dünýä ülňülerine laýyklykda yzygiderli kämilleşdirilýändigini tassyklaýan diwarlyklar sergä gatnaşyjylaryň ünsüni özüne çekdi.
Halkara serginiň we ylmy maslahatyň çäklerinde ýokary okuw mekdebimiziň wagyzçy mugallymlary hem-de talyplary teleradio ýaýlymlary hem-de habar beriş serişdeleriniň wekilleri bilen işjeň işleşip dürli mowzuklarda çykyşlar etdiler.
Gülşirin Agaýewa, “Çyzuwly geometriýa we inženerçilik grafikasy” kafedrasynyň mugallymy
