Institutymyzyň täzelikleri

STEM usulyýeti boýunça bäsleşige gatnaşmaga çagyrýar

562 Ýurdumyzyň Inžener ugurly ýokary we orta hünär okuw mekdepleriniň
professor-mugallymlarynyň arasynda okatmagyň STEM usulyýeti boýunça bäsleşige gatnaşmaga çagyrýar
Türkmenistanyň Inžener-tehniki we ulag kommunikasiýalary instituty 2025-nji ýylyň 28-nji noýabrynda ýurdumyzyň inžener ugurly ýokary we orta hünär okuw mekdepleriniň professor-mugallymlarynyň arasynda okatmagyň STEM usulyýeti boýunça bäsleşige gatnaşmaga çagyrýar.
Bäsleşik nanotehnologiýalar, himiýa tehnologiýalar, energetika, biotehnologiýa, oba hojalygy, maglumat we kommunikasiýa ulgamlary, kompýuter tehnologiýalary we innowasion ykdysadyýet ugurlary boýunça okuw sapagyny okatmak görnüşinde geçirilýär.
Bäsleşik Türkmenistanyň pudak degişliligine we guramaçylyk-hukuk görnüşine garamazdan inžener ugurly ýokary okuw mekdepleriniň professor-mugallymlary gatnaşyp bilerler.
Bäsleşigiň iş dili – türkmen dili.
Bäsleşige öz ýokary okuw mekdebinde (bäsleşigiň 1-nji tapgyrynda) iň gowy netijeleri görkezen 1 sany professor-mugallym gatnaşyp biler.
Bäsleşik 2025-nji ýylyň noýabr aýynyň 28-ine, sagat 1200-da başlanýar. Gatnaşyjylar sagat 1130-da Türkmenistanyň Inžener-tehniki we ulag kommunikasiýalary institutynyň “Jemagat infrastrukturasy we inženerçilik ulgamlary” fakultetiniň Ç-154 okuw otagyna gelmeli.
Bäsleşige gatnaşyjy 30 minudyň dowamynda okatmagyň STEM usulyýeti boýunça okuw sapagyny geçmeli. Gatnaşyjy okuw dersini we okatjak temasyny özbaşdak saýlaýar. Okuw sapagyny kompýuter toplumynda slaýdlary, animasiýalary, wideolary we interaktiw tagtasyny peýdalanmak bilen okatmaly. Okuw sapagynyň dowamynda degişli okuw dersi boýunça enjamlary, dürli esbaplary, maketleri, modelleri we görkezme esbaplary ulanmaly. Gatnaşyjynyň bäsleşikde okatjak okuw sapagyna emin agzalary bilen bilelikde ähli gatnaşyjylar we isleg bildirýän ýaş mugallymlar gatnaşýar. Bäsleşige gatnaşyjylaryň okuw sapaklary 10 ball ulgamy bilen bahalandyrylýar. Ýagny, her emin agza 5 görkeziji boýunça iň ýokary 10 ball berip bilýär (her görkezijä iň ýokary 2 ball berilýär). Görkezijiler okuw sapagynda tebigy ylymlary (“Science”), tehnologiýalary (“Technology”), inžener çözgütlerini (“Engineering”), matematiki prinsipleri (“Mathematics”) peýdalanmakdan we pedagogiki usulyýetden durýar. Jemlenen ballar deň gelen ýagdaýynda gatnaşyjynyň okuw sapagyny iňlis dilinde okadyş ukybyna seredip, goşmaça ballar berilýär.
Bäsleşige gatnaşmaga isleg bildirýän professor-mugallymlar 2025-nji 10-njy noýabryna çenli 1-nji goşundydaky nusgada tituki.olimpiada.2022@gmail.com elektron salgysyna ugratmaly.
Bäsleşik şahsy bäsleşik tertibinde geçirilýär.
Eminler toparyna bäsleşige gatnaşýan her ýokary okuw mekdepden 1 agza girýär hem-de bäsleşigiň ýeňijilerini anyklaýar. Her emin agza geçilen okuw sapagyny özbaşdak bahalandyrýar. Soňra Eminler toparynyň başlygy tarapyndan ähli emin agzalarynyň goýan ballary jemlenilýär. Hödürlenýän emin agza ylmy derejeli (ýa-da uly mugallym wezipeli) bolmaly we ol baradaky maglumatlary 1-nji goşundydaky nusgada görkezmeli. Eminler toparynyň düzümi Türkmenistanyň Inžener-tehniki we ulag kommunikasiýalary institutynyň rektory tarapyndan tassyklanýar.
Bäsleşige gatnaşyjylar Eminler topary tarapyndan ballar jemlenip, yglan edilenden soň arz-şikaýat etmäge hukugy bardyr.
Arz-şikaýat ýüz tutmalar Eminler topary tarapyndan seredilýär we ahyrky netijäni toparyň başlygy kesgitleýär, onuň ahyrky çözgüdi üýtgewsizdir.
1-nji goşundy
Türkmenistanyň Inžener-tehniki we ulag kommunikasiýalary institutynyň gurnamagynda ýurdumyzyň inžener ugurly ýokary okuw mekdepleriniň professor-mugallymlarynyň arasynda okatmagyň STEM usulyýeti boýunça bäsleşige Türkmen döwlet bigärlik-gurluşyk institutyndan gatnaşýan mugallymlar we hödürlenýän emin agza barada
MAGLUMATLAR
Bäsleşige gatnaşýan professor-mugallymlar aşakdaky maglumatlary ugratmaly
T/b Gatnaşyjynyň ady, familiýasy we atasynyň ady Zähmet çekýän kafedrasynyň ady wezipesi Mugallymçylyk iş tejribesi Telefon belgisi gmail elektron salgysy
Hödürlenýän emin agza:
T/b Gatnaşyjynyň ady, familiýasy we atasynyň ady Zähmet çekýän kafedrasynyň ady, wezipesi we alymlyk derejesi Mugallymçylyk iş tejribesi Telefon belgisi gmail elektron salgysy

Okuw bölüminiň başlygy _____________ Ç.Çaryýew
(goly we möhür ýeri)